Tring Shqip

Ёndrra e shqiptarëve të izoluar për të udhëtuar jashtë vendit për specializime, vë përballë njëri-tjetrit dy shokë pune.

Ai është një djalë 9 vjeçar i dalluar për mjeshtëritë e tij si akrobat, të cilat vihen re nga gjyshi i tij. Ai i kënaq të gjithë me durimin dhe pasionin e tij, por do të kalojë shumë vështirësi derisa të bashkohet me trupën e cirkut.

Film portret mbi figurën më të njohur të lëvizjes anti-feudale të viteve ’20, patriotit Avni Rustemi. Aktiviteti politik intensiv i Avni Rustemit, jepet i lidhur ngushtë me atmosferën e tendosur të atyre viteve.

Irena, një fizikane e re, bashkë me dy kolegë të saj, ndërmerr një studim të rëndësishëm larg nga shtëpia. Ajo shkon për një kontroll shëndetësor në spitalin e qytetit dhe mëson se vuan nga një sëmundje e rëndë. Pasi e merr veten nga tronditja, Irena pajtohet me realitetin duke çmuar çdo sekondë të jetës.

Fitues i dhjetëra çmimeve në festivale të ndryshme filmi. Nga kujdesi i tepruar i prindërve, Benin nuk e lejojnë të luajë jashtë mureve të shtëpisë. Xhaxha Thomai që vjen nga fshati, e merr me vete dhe për herë të parë Beni gjendet larg vëmendjes dhe kontrollit të prindërve.

Ekranizim i komedisë ”14 vjeç dhëndër” nga Andon Zako Çajupi. Historia e martesës së Gjinos 14-vjeçar me Marigonë 28-vjeçare. Me ndihmën e të dashurit të saj, Trimit, Marigoja hakmerret me të gjithë ata që sajuan këtë martesë të pazakontë.

Fitimi punon si mekanik në një ofiçinë. Nga pakujdesia, ai lë pa rregulluar frenat e një kamioni, dhe i shkakton një aksident shoferit, Petros. Petro do të ndëshkohet për pakujdesi. Fitimin fillon ta brejë ndërgjegja, por e ka të vështirë ta pranojë fajin. E fejuara e tij i jep kurajë për të treguar të vërtetën.

Gjini, një plak malësor, shtrohet në spitalin e Tiranës për të hequr nga shpatulla një plumb që i ka mbetur kujtim nga një gjakmarrje e vjetër. Por kur mëson se operacionin do ta kryejë dr. Vera, ai heziton nga mungesa e besimit në aftësitë e grave.

Ngjarjet zhvillohen në një repart ushtarak, në qendër të së cilave është komandant Fatosi. Intrigat e nën-oficer Raufit e vendosin atë në pozitë të vështirë, deri në atë pikë sa ai mund të përballet me gjyqin ushtarak. Kjo histori vë në provë dhe lidhjen e tij me të fejuarën.

Gjatë procedurës së kontrollit të mallit, falsifikohen disa të dhëna laboratorike, duke bërë kështu që të prishet kontrata me një firmë të huaj. Kjo gjë shkakton trazira në marrëdhëniet dashurore të Lindës me Artanin, djalin e specialistit të portit.

Harizi, një njeri dembel që nuk e do punën, mundohet të përfitojë një vend të rehatshëm dhe kur nuk ia del, fillon të shpifë e të dërgojë letra anonime.