Tring Super

O’Shea Jackson Jr, Gerard Butler, Orli Shuka. Pas një grabitjeje të bujshme, Donnie bashkohet me mafian ”Pantera” për vjedhjen më të madhe të diamantëve në botë. Detektivi Nick O’Brien, i përjashtuar nga policia dhe i konsumuar nga hakmarrja, ia ndjek gjurmët në Europë. Tani nis një lojë e rrezikshme, ku të gjithë kanë diçka për të humbur dhe gjithçka për të fituar.

Film kandidat për 6 çmime Oskar! Ani (Mikey Madison), një eskortë nga Bruklini, takon dhe martohet në mënyrë të rrufeshme, me djalin e një oligarku Rus. Sapo lajmi mbërrin në Rusi, përralla e bukur kërcënohet nga prindërit e tij, të cilët kërkojnë anulimin e martesës.

Me Jason Statham. Në një ishull të largët bregdetar, një burrë që jeton në izolim të vetëzgjedhur, shpëton një vajzë të re nga një stuhi vdekjeprurëse. Ky akt e nxjerr nga vetmia dhe e përfshin në një zinxhir ngjarjesh të rrezikshme. Ndërsa përpiqet të mbrojë vajzën jetime, ai përballet me hijet e së kaluarës në një betejë për mbijetesë.

Kur krijesa të çuditshme pushtojnë jetën e saj, Brynn, një vajze e re, krijuese dhe e talentuar, detyrohet të përballet me një të kaluar që është përpjekur ta harrojë.

Rafaëlle Sonneville-CabyNjë kurtizane parisiene largohet drejt Romës për të mbrojtur emrin e saj kur detyrohet të kujdeset për vajzën e saj me probleme mendore. Ajo do të njihet me Maria Montesorin, gruan që do të revolucionarizojë sistemin arsimor dhe që zhvillon metoda mësimdhënieje në ndihmë të fëmijëve.

Julia Roberts, Ethan Hawke, Kevin Bacon. Pushimet e ëndrrave të një familjeje, në një vilë luksoze buzë detit, marrin një kthesë ogurzezë, kur një sulm kibernetik nxjerr jashtë funksionit të gjitha pajisjet elektronike dhe dy të panjohur, që pretendojnë se janë pronarët, shfaqen në derën e vilës.

Me regji nga George Clooney. Joel Edgerton, Callum Turner. Bazuar në novelën e Daniel James Brown. Një histori vërtetë frymëzuese nga ekipi i kanotazhit të Universitetit të Uashingtonit. Në vitin 1936, kulmi i Depresionit të Madh, kur askush nuk kishte besim, ata fituan medaljen e Artë në Lojërat Olimpike Verore në Berlin kundër rivalëve elitarë nga e gjithë bota.

Kat, një mësuese aktrimi, e cila e ka humbur shansin për skenën, merr një ofertë të papritur nga një polic i infiltruar (Sean Bean): të depërtojë në botën e bandave londineze. Ajo rekruton dy studentët e saj më të mirë (Orlando Bloom, Nick Mohammed). Së bashku, të armatosur vetëm me humor e improvizim, duhet të shtiren si kriminelë të rrezikshëm, për të mbijetuar mes mafiozëve të pamëshirshëm.

Me Nicholas Galitzine, Jared Leto dhe Idris Elba. Princi Adam rikthehet në Eternia për t’u përballur me Skeletorin dhe ushtrinë e tij, që kërcënojnë të shkatërrojnë mbretërinë. Për të shpëtuar botën e tij, ai duhet të zbulojë fuqinë që e bën He-Man, heroin më të fuqishëm të universit.

Pas shtatë vitesh në burg për një aksident tragjik që i mori jetën të dashurit të saj, Kenna kthehet në qytetin e lindjes me shpresën për të njohur vajzën që nuk ka pasur kurrë mundësinë ta rrisë. Ndërsa përballet me paragjykimet e së kaluarës, ajo gjen një shans për falje, dashuri dhe një fillim të ri.

Andrew Garfield, Jamie Bell, Stephen Dillane; Në Anglinë mesjetare, sundimi tiranik i mbretit Rikard II nxit një kryengritje të fuqishme popullore. Një udhëheqës i guximshëm bashkon njerëzit e zakonshëm në një ushtri që sfidon pushtetin mbretëror dhe lufton kundër padrejtësisë.